Timor-Leste hetan parseiru kapáz ida iha Sri-Lanka atu hametin ninia programa imunizasaun

By Raimundos Oki 28 Set 2017, 09:44:22 OTLInternasional

Timor-Leste hetan parseiru kapáz ida iha Sri-Lanka atu hametin ninia programa imunizasaun

DILI - Ho koñesimentu kona-bá imunizasaun hodi harii nasaun ida saudável liu, Timor-Leste no Sri-Lanka iha kolaborasaun ho Aliansa Globál ba Vasina no Imunizasaun (GAVI) no Organizasaun Mundiál Saúde (OMS) asina ona akordu kaduak ka ‘twinning agreement’ ba tinan rua nian. Akordu ida ne’e asina ona iha eventu liña laterál husi Sorumutu Komité Rejional ba dala hitu-nulu resin ida foin lalais iha Maldives iha fulan Setembru.

Akordu ‘twinning’ ida ne’e sei tulun hodi hametin sistema imunizasaun no fahe-matenek entre nasaun rua iha rejiaun Sudeste-Aziátiku. Nasaun rua ne’e hamrik atu hetan benefísiu mutuál ida iha akordu ne’e nia okos.

“Akordu ‘twinning’ ida ne’e sei fo benifisiu boot tebes ba Timor-Leste no ha’u hakarak  agradese Ministériu Saúde (MS) Sri-Lanka nian ba sira nia preparasaun atu fahe sira nia matenek no abilidade tékniku ba ha’u nia ekipa” hateten Dra. Odete da Silva Viegas, Diretora Gerál ba Servisu Atendimentu Saúde husi Ministériu Saúde Timor-Leste. “Ami mós sei haré ba iha komprensaun ne’ebé di’ak ba iha komponente no abordajen sira hotu husi programa imunizasaun Sri-Lanka nian no aplika lisaun hirak ne’ebé ami aprende ona iha ami nia rain,” nia hatutan.

Tuir akordu ne’e, ofisiais xave sira husi Ministériu Saúde (MS) Timor-Leste nian servisu iha área imunizasaun sei bele ba vizita sira nia omólogus iha Sri-Lanka no aprende husi sira nia programa ne’ebé susesu no oinsa marku istóriku hirak ne’e bele realiza.

“Ami sente umilde no iha onra atu fahe prátika hirak ne’ebé di’ak liu husi ami nia programa estendidu kona-bá imunizasaun (EPI) ho prrograma EPI Timor-Leste nian,” hateten Dr J.M.V Jayasundra Bandara, Diretór Jerál ba Servisu Saúde (a.i) iha MS, Nutrisaun no Aimoruk tradisional husi Repúblika Sosialista  Demokrátika Sri-Lanka nian. “Ida ne’e nuudar oportunidade úniku ida ba Sri-Lanka atu hatudu ami nia susesu rejionalmente no nasionalmente. Ida ne’e mós sei hasa’e kapasidade ba iha ami nia profesionál sira hodi orienta no treina ba preparasaun potensiál ida iha futuru husi akordu ‘twinning’ ida ne’e,” nia hatutan.

Programa imunizasaun nasional Sri-Lanka nian frekuentemente sitadu hanesan dezempeñadór ida ne’ebé forte, la’os de’it iha rejiaun ne’e, maibe mós iha mundu. Programa nasionál EPI hetan rekorde exelente, ho insidénsia husi moras EPI ne’ebé ki’ik tebes no kobertura ne’ebe ás ba vasina EPI hotu-hotu.

Importánsia husi imunizasaun ne’e alinea ho faktu katak ida ne’e bele prevene mate entre millaun 2 no 3 tinan-tinan no proteje ona labarik sira hasoru moras hanesan difteria, tetanus, pólio no sarampu ba tinan barak.

“Akordu ‘twinning’ entre Sri-Lanka no Timor-Leste ho parseiru OMS no GAVI, Aliansa Vasina, harii ona koñesimentu úniku hodi fahe plataforma ida ne’ebé fo benefísiu ba ema hotu. Ida ne’e mós fornese oportunidade ida ba iha ofisiais importante Timor-Leste nian atu aprende husi Sistema Imunizasaun Ben-Establesidu Sri-Lanka nian ho kobertura ne’ebé ás no kontinua. Hodi nune’e, Sri-Lanka sei tulun nasaun sira OMS Rejiaun Sudeste-Aziátiku nian no hodi  hatudu ninia efetividade no forsa kona-bá programa imunizasaun rejionalmente, no mós iha forum internasionál,” hatete Dr. Rajesh Pandav, Reprezentate OMS ba Timor-Leste. (pr) 

Write a Facebook Comment

Hakerek ita nian komentariu husi account Facebook

View all comments

Write a comment

Online Support (Chat)

Asesu mos ami iha

Asesu mos ami iha facebook, twitter, Google+, Linkedin no hetan mos ami nian informasaun atual iha ne'eba.

Sondajen

Nudar sidadaun Timor-Leste, Oinsa ita boot nia hanoin konaba Lei Pensaun Vitalicia?
  Presiza Halakon
  Presiza iha Mundansa
  Mantein

Komentariu Ikus Liu

  • cream pemutih wajah yang aman

    bagaimana kemajuannya skrng ya? ...

    View Article
  • Cougar

    Good to become visiting your weblog again, it has been months for me. Nicely this ...

    View Article
  • Lemongrass Essential Oil

    I have to search sites with relevant information on given topic and provide them to ...

    View Article
  • Foods that causes Inflammation

    pleasant bLog! its fascinating. much obliged to you for sharing. ...

    View Article