Timor Oan Barak Sei Moris Ki’ak

By Daucua 20 Set 2016, 16:44:45 OTLNasional

Timor Oan Barak Sei Moris Ki’ak

Te, (DILI)--Prezidenti Repúblika Taur Matan Ruak observa durante tinan 14 Timor-Leste ukun rasik án maibé Timor oan barak mak sei moris ki’ak.

“Durante ha’u nia viajem ba foho hodi vizita suku no knua hirak ne’ebé hela liu iha fatin izoladu, hau sente triste tebes bainhira haree katak, liu tinan 14 independensia, apoiu ba grupo vuneravel sira dala barak la hatan ba nesisidade ne’ebé sira iha duni no Timoroan barak sei moris hela iha ki’ak nia laran,” Prezidenti da Repúblika Taur Matan Ruak fó sai iha abertura plenaria Parlamentu Nasionál iha seksaun solene abertura ba quinta seksaun lejislativa iha terseiru lejislatura Parlamentu Nasionál foin lalais ne’e.

Situasaun grave seluk tuir PR Taur mak apoiu ne’ebé fó ba veteranus sira, balun simu ona apoiu no balun seidauk, ida ne’e hamosu bei-beik konflitu entre veteranus sira nune’e nia husu atu hapara situasaun ida ne’e.

Nune’e mós lei pensaun vitalisia tuir PR taur lei ne’e so hamosu deit parazitas simu osan boot hosi estadu maibe la halo buat ida I injustu tebes bainhira kompara ho situasaun veteranus sira nian. Tanba ne’e relasiona ho planu diskusaun lei iha PN, PR Taur husu atu Parlamentu Nasionál loke debate públiku luan ida ne’eb’e trasparante, simples no momos kona-ba benefisiu no vantajen hirak ne’ebé preve iha lei nr. 1/2007, hosi 18 janeiru, kona-ba pensaun mesal vitalisia ba deputadu sira no regalia sira seluk, no mós kona-ba lei nr 14/2009 hosi 21 Outubro, ne’ebé mak estabelse remunerasaun ba titular kargu polítiku sira.

“Buat ne’ebé Timor-Leste konsege alkansa ona dezde independensia hanesan buat hirak ne’ebé inportante. Maski nune’e ita tenki rekonese katak buat ne’ebé ita halo ona, bele halo barak liu tan no di’ak liu tan,” Taur Matan Ruak apela.

Hodi dehan, dezafiu bo’ot ba Timor ohin loron mak seriedade, liu-liu produktividade servisu nian ne’ebé ki’ik, dezempregu no votalidade ekonomika.

Problema seriu seluk ne’ebé mak PR Taur identifika iha nia vizita ba suku nota katak Timor-Leste ohin loron dezigualdade iha kondisaun moris entre fatin sidade no area rural. Ne’e hatudu krisimentu ekonomiku iha tinan hirak ne’e la kontribui hamenus dezigualdade.

Obras públikas la iha kualidade, ne’e tuir Taur Matan Ruak orsamentu estadu fakar osan barak hodi halo obras ne’ebé la iha kualidade, nune’e mós kapasidade compete ho ekonomia Timor sei depende liu ba konsome mai hosi rai liur.

Hanesan iha tinan 2014, industria nia kontribuisaun ba produsaun nasionál kontinua ki’ik nafatin, la to’o 1%.

Aleim de ida ne’e, servisu administrasaun públika nia lala’ok ajuda infrakeza karia kampu servisu exemplu estadu atraza selu dividas hosi kompaña sira maske kompaña ejekuta ona obra.

Nune’e mós kondisaun setór justisa sai aat ba bei-beik. Falta investimentu iha justisa hamosu tiha paraliza iha tribunal rekursu no taka tiha dalan ba juis sira ne’ebé servisu iha Tribunál distrital atu avansa iha sira nia kareira rasik.

Asunto intersante seluk mak PR Taur apela atu ema hotu-hotu fó nia partisipasaun iha esforsu nasionál atu halakon korrupsaun iha rai Timor, luta hasoru korrupsaun hanesan ita hotu nia luta. (te1)   

Write a Facebook Comment

Hakerek ita nian komentariu husi account Facebook

View all comments

Write a comment

Online Support (Chat)

Asesu mos ami iha

Asesu mos ami iha facebook, twitter, Google+, Linkedin no hetan mos ami nian informasaun atual iha ne'eba.

Sondajen

Nudar sidadaun Timor-Leste, Oinsa ita boot nia hanoin konaba Lei Pensaun Vitalicia?
  Presiza Halakon
  Presiza iha Mundansa
  Mantein

Komentariu Ikus Liu

  • Martingep

    Hi! [url=http://onlinepharmacycanadaus.com/#online-canadian-ph armacy]us pharmacy no prior ...

    View Article
  • alexnder

    amazing post <a href="http://chouraha.com/ram-kya-hai/">http: ...

    View Article
  • bfhPrior

    viagra tablets for sale <a href="http://viagraeq.com/">buy cheap ...

    View Article
  • Kristaswica

    Хрен то тутто то там.. ...

    View Article