Osan Kompaña, Kalbuady Sai Arguido

By Daucua 12 Out 2016, 16:31:53 OTL

Osan Kompaña, Kalbuady Sai Arguido

Te (DILI)--Ministru Turismu Arte ho Kultura, Francisco Kalbuady Lay obrigadu tenki sai nudar arguido tanba iha tinan 2012 kompaña sira fó osan ba Partidu CNRT liuhosi aktividade angariasaun fundus momentu ne’e Francisco Kalbuady Lay assume kna’ar nudar Prezidenti Komisaun Organizadora ba Kampaña CNRT.

“Iha tinan 2012 iha emprezariu barak mak fó nia kontribuisaun ba CNRT, maibé partidu tenki fó fila osan hosi kompaña nian, so kompaña rua iha notifikasaun laran ne’e Francisco Kalbuady Lay la iha kuñesimentu,” Vise Prezidente Komisaun G trata asuntu Etika, Parlamentu Nasionál, Maria de Fatima Belo informa asunto ne’e ba ha sala komisaun foin lalais ne’e.

Tuir deputada Maria de Fatima Belo kompaña ne’ebé hatama osan sein kuñesimentu hosi Francisco Kalbuady Lay kompostu hosi Kompaña Star King ho Kompaña ida hosi EDTL nian.

“Star King fó osan hamutuk $25 mill, EDTL (Kompaña konsorsiu ba fornesimentu sasan) nian $15,” Maria de Fatima Belo esplika.

Hodi dehan oras ne’e dadaun Komisaun G trata ona prosesu tomak kona-ba levantamentu imunidade Francisco Kalbuady Lay nudar ministru hodi nune’e iha loron 25-26 fulan ida ne’e Francisco Kalbuady Lay hasoru Tribunál ho estatuta Arguido.

Iha parte seluk deputada Carmelita Caetano Moniz kurizi mós katak, durante ne’e opinaun ne’ebé serkula iha mídia imprimi sira katak kazu Francisco Kalbuady Lay keiza hosi Komisaun Nasionál Elisaun (CNE) la los.

“CNE la halo keiza ba ida ne’e liu hosi sira nia rekomendasaun ba Ministériu Públiku,” Carmelita halo los.

Situasaun lolos tuir Carmelita katak, CNE iha momentu ne’eba halo averiguasaun ba iha Partidu CNRT maibé sira la hetan buat ida I sira toma konkluzaun katak partidu CNRT la komete iregularidade iha aktividade angariasaun fundus tanba ne’e mak CNE la rekomenda ba Ministériu Públiku.

“Ministériu Públiku halo investigasaun bazeia ba noticia sira iha jornal,” Carmelita Caetano Moniz reforsa tan.  (te1)

 

 

Write a Facebook Comment

Hakerek ita nian komentariu husi account Facebook

View all comments

Write a comment

Online Support (Chat)

Asesu mos ami iha

Asesu mos ami iha facebook, twitter, Google+, Linkedin no hetan mos ami nian informasaun atual iha ne'eba.

Sondajen

Nudar sidadaun Timor-Leste, Oinsa ita boot nia hanoin konaba Lei Pensaun Vitalicia?
  Presiza Halakon
  Presiza iha Mundansa
  Mantein

Komentariu Ikus Liu

  • beritavip99

    berita yang sangat menarik ...

    View Article
  • FOREX ASLI

    Thank you for sharing good information for health, may be useful for all of us do ...

    View Article
  • paket pulau tidung

    bagus banget infonya terima kasih ...

    View Article
  • currency converter online

    Our main goal is to provide you with exchange rates for more than 170 currencies ...

    View Article