Organiza An ba Hodi Simu Elisaun Suku

By Daucua 09 Set 2016, 13:29:22 OTL

Organiza An ba Hodi Simu Elisaun Suku

Te, (DILI)--Diretór Sekretáriu tékniku administrasaun eleitorál (STAE) Acilino Manuel Branco husu komunidade sira atu organiza an hodi simu elisaun suku ne’ebé mak sei akontese iha loron 30 setembru oin mai.

“Loron votasaun monu iha dia 30, maibé prosesu kandidatura ba sidadaun sira ne’ebé mak iha intreses tenki organiza an ona prepara dokumentus hanesan kriteria sira para lori ba compete iha prosesu ne’e 15 dias antes loron votasaun nian,” Acilino Manuel Branco informa iha nia servisu fatin foin lalais ne’e.

Atu fasilita di’ak liu tan prosesu hirak ne’e tuir diretór Alcino STAE sei fó apoiu tomak iha prosesu tanba hatete nanis ona iha lei.

Ho nune’e ba apoiu primeiru STAE sei fó lista elitores ba administrador municipiu sira hodi distribui to’o ba suku no aldeia hodi sai sasukat ba prosesu kona ba kona apoiantes.

Maibé antes ne’e mos Sekretáriu tékniku administrasaun eleitorál (STAE) fó formasaun ba formadór administradór postu no administradór munisípiu inklui RAEAO hamutuk nain 78  iha salaun enkontru STAE Caicoli Dili. Formasaun ne’e lidera husi. Adjunta Diretór Jeral STAE. Tulia Onorina de Jesus Andrade,.Agusto Ximenes, Asesór ba formasaun no. Karceres Ximenes, Xefe departamentu Edukasaun Eleitorál no formasaun STAE.

Material formasaun refere liu ba Aprezentasaun kandidatura, prosesu eleisaun suku, kontajen, apuramentu no anúnsiu rezultadu.

Agusto Ximenes informa objetivu husi formasaun ne’e, atu kapasita administradór postu no mós administradór munisípiu sira hotu, atu bele iha koñesimentu téknika oinsá mak organiza eleisaun suku.

“Materia hotu preparadu tiha ona no ami prontu atu fó formasaun ba administradór postu no administradór munisípiu sira, ami espera katak sira sei hetan informasaun kompletu hodi bele fahe fali ba sira nia autoridade lokál no mós populasaun” Agusto Ximenes informa ba jornalista sira, foin lalais ne’e iha edifísiu STAE, Kaikoli, Dili.

Nune’e mós xefe departamentu edukasaun eleitorál no formasaun Sr.Karceres Ximenes hato’o katak, papél administradór sira importante atu bele ajuda disemina informasaun ba públiku.

Tuir lei suku ( Nú 9/2016. artigu 96) mensiona katak, STAE fó apoiu ba eleisaun suku tanba ne’e STAE prepara tiha ona matéria ba publikasaun no mós manual formasaun ne’ebé sei fasilita formadór sira no mós meza eleitorál, atu bele iha koñesimentu tékniku hodi organiza eleisaun suku.

Seremonia formasaun ne’e Sekretáriu estadu administrasaun estatál Sr.Samuel Mendonca mak hala’o abertura tanba hetan partisipasaun husi administradór munisípiu no administradór postu hotu iha territóriu Timor-Leste.

“Ita prepara daudaun ba eleisaun suku, sosializasaun la’o ona, governu mós sei tau orsamentu para eleisaun suku la’o ho susesu” Sekretáriu estadu administrasaun estatál. Samuel Mendonca afirma iha nia intervensaun.

Biar nune’e Koalia kona ba Orsamentu ba apoiu elisaun xefi do suku, Diretór Sekretáriu tékniku administrasaun eleitorál (STAE) Acilino Manuel Branco hatete, to’o ohin loron ofisialmente Governu seidauk iha orsamentu ne’ebé mak fiksu.

“Ita koalia kona ba bulletin de votus, pregu ne’e presiza osan, transporte material mós presiza osan, nune’e mos pesoal sira ne’ebé lori material tanba ne’e orsamentu iha numiro bastante bo’ot maibé ha’u la lembra tanba governu to’o ohin loron ofisialmente ita seidauk hetan numiro fiksu kona ba alokasaun orsamentu final atu bele apoiu elisaun suku,” Alcino Manuel Branco informa  ba ANTIL iha nia servisu fatin, Kaikoli, foin dadauk ne’e.

Tuir Alcino Manuel maske seidauk iha orsamentu ofisial maibé organizasaun elisaun nudar responsabilidade governu nian tanba ne’e iha tempu besik governu sei tau osan hodi fasilita prosesu hirak ne’e hotu tuir orariu ne’ebe mak determinadu ona.

“Tuir  informasaun ne’ebé mak ita iha governu iha komitmentu no iha ona desijaun para oinsa atu koloka orsamentu,” Alcino Manuel Branco reforsa.

Hodi hatutan aktividade elisaun sei barak liu akontese iha nivel suku maka nia jestaun orsamentu ne’ebe sei jere hosi Ministériu Finansas, entre municipal sira. (te1)

 

Write a Facebook Comment

Hakerek ita nian komentariu husi account Facebook

View all comments

Write a comment

Online Support (Chat)

Asesu mos ami iha

Asesu mos ami iha facebook, twitter, Google+, Linkedin no hetan mos ami nian informasaun atual iha ne'eba.

Sondajen

Nudar sidadaun Timor-Leste, Oinsa ita boot nia hanoin konaba Lei Pensaun Vitalicia?
  Presiza Halakon
  Presiza iha Mundansa
  Mantein

Komentariu Ikus Liu

  • CharlesLab

    wh0cd195639 <a href=http://glucophage.us.org/>glucophage</a> <a ...

    View Article
  • CharlesLab

    wh0cd195639 <a href=http://prozac18.us.org/>buy prozac</a> <a ...

    View Article
  • CharlesLab

    wh0cd195639 <a href=http://lisinoprilbestprice.com/>Losartan Lisinopril</a> <a ...

    View Article
  • Michaelted

    wh0cd195639 <a href=http://buynolvadex.doctor/>nolvadex</a> <a ...

    View Article