Mudansa Politika 2015-2016 ne’ebé Sobu Natureza Sosiál Polítika

By Daucua 20 Set 2016, 15:26:18 OTLPolítika

Mudansa Politika 2015-2016 ne’ebé Sobu Natureza Sosiál Polítika

Te, (DILI)--Deputada Bankada Partidu Demokratiko (PD) Lurdes Bessa rejista katak durante tinan 2015-2016 mudansa politika ne’ebé mak sobu natureza sosiál polítika iha sosiedade timor inklui dezvalorizasaun veteranus no funu nain sira balun hahú hosi muda natureza polítiku koligasaun.

“Muda Natureza politíka koligasaun iha governu hodi hatun no hasai lider partidu koligasaun hanesan CNRT, PD no Frente Mudansa hodi fó hikas ba individu hosi partidu opozisaun FRETILIN, hodi lidera governu hatudu momos sobu natureza polítika sosiál iha sosiedade Timor-Leste,” Lurdes Bessa identifika iha nia intervensaun ba  abertura plenaria Parlamentu Nasionál iha seksaun solene abertura ba quinta seksaun lejislativa iha terseiru lejislatura Parlamentu Nasionál foin lalais ne’e.

Tuir Lurdes Bessa, la’ós mudansa ne’e de’it mak akontese iha tinan 2015-2016, dentru ida ne’e akontese mós mudansa natureza servisu Tribunál, mudansa servisu orgaun eleitorál hanesan CNE, muda natureza servisu Parlamentu Nasionál, koko malu no satan malu entre orgaun soberanu sira hodi hamosu polimika F-FDTL nian laran.

Situasaun hirak ne’e halo PD aprende dadauk lisaun hosi aktus polítiku hirak ne’e nudar referensia polítika hanesan tuir mai ne’e, orgullu pessoal ba ida nia esperensia no intelektualidade, knar no kompetensia, mak rejultadu hodi ignora dialog instituisional   no interpesoal entre lider polítiku sira. Hases dialog husi pensamentu no asaun, mak lori lider politiku sira hirus malu no dun malu, koko malu no satan malu, haketak malu no hatun malu hafoin ida-idak justifika nia rajaun ba públiku.

Auzensia dialog entre lider polítiku sira hamenus no halakon dadauk sentimentu solidaridade institusional entre lider orgaun soberanu no istituisaun estadu nian.

Orhullu pesoal no hegemonia polítika lori consensus nasionál no unanimidade sai fali dalan hodi  halibur malu hirak ne’ebé iha forsa, maibé hatun no haketak fali hirak ne’ebé la iha forsa.

Nune’e PD konklui katak, desijaun no asaun politika ida ne’e, satan no hatodan dadauk prosesu hamoris no haburas kualidade fiar malu, entre lider polítiku sira, inkluidu entre lider polítiku jerasaun foun no jerasaun tuan, nune’e mós, entre lider politiku jerasaun foun sira, iha batalla polítika no arena demorasia.

Realidade hirak ne’e ba PD hatudu asaun politika hatun malu no haketak malu, sai nudar referensia polítika ne’ebé demostra hela iha batalla polítika timor nian.

“Hosi ne’e ita hatur ona iha ita nia fuan nudar memoria polítika, kona ba desijaun no asaun polítika hosi ita nia lider sira, no ho ida ne’e mak ita kahe iha ita nia kabas hodi hakat ba oin, hodi dezenvolve no involve an iha vida politika,” Lurdes Bessa hatutan.

No konsidera mudansa politika iha timor hamenus ona etika moral polítika nudar timor oan no hamenus unidade no solidaridade entre timoroan sira hodi dezenvolve povu no nasaun Timor-Leste. (te1)

Write a Facebook Comment

Hakerek ita nian komentariu husi account Facebook

View all comments

Write a comment

Online Support (Chat)

Asesu mos ami iha

Asesu mos ami iha facebook, twitter, Google+, Linkedin no hetan mos ami nian informasaun atual iha ne'eba.

Sondajen

Nudar sidadaun Timor-Leste, Oinsa ita boot nia hanoin konaba Lei Pensaun Vitalicia?
  Presiza Halakon
  Presiza iha Mundansa
  Mantein

Komentariu Ikus Liu

  • Martingep

    Hi! [url=http://onlinepharmacycanadaus.com/#online-canadian-ph armacy]us pharmacy no prior ...

    View Article
  • alexnder

    amazing post <a href="http://chouraha.com/ram-kya-hai/">http: ...

    View Article
  • bfhPrior

    viagra tablets for sale <a href="http://viagraeq.com/">buy cheap ...

    View Article
  • Kristaswica

    Хрен то тутто то там.. ...

    View Article