LPV Hosi 2016-2036 Gasta Osan 223,6 Billoens

By Daucua 22 Set 2016, 13:40:04 OTLPolítika

LPV Hosi 2016-2036 Gasta Osan 223,6 Billoens

Te, (DILI)--Deputadu bankada FRETILIN Osorio Florindo identifika dadus husi Ministériu Finansas haktuir katak se lei pensaun vitalisia mak la hasa’I sura husi tinan 2016-2036 governu sei gasta osan hamutuk 223,6 billos hodi selu benifisiariu sira.

“Ha’u sei prepara proposta ida atu husu hasa’I tiha pensaun vitalisia hanesan saida mak públiku preokupa,” Deputadu Osorio Florindo promote iha Plenaria extraordinariu ba diskusaun lei pensaun vitalisa, foin lalais ne’e.

Pareser Komisaun Eventual Parlamentu Nasionál (PN) kona-ba diskusaun jeneralidade projeitu de lei nr 5/III ba alterasaun pensaun mensal vitalisia no regalia sira la akumula opinaun públiku ne’ebé durante ne’e liuhosi petisaun submete ba PN.

Deputadu Partidu Demokratico (PD) Adriano Nasimento kestiona iha nia intervensaun hodi dehan, parser komisaun eventual la fó konsiderasaun ba opinaun públiku ne’ebé durante ne’e la’o.

“Ha’u kestiona parser, tanba la detaillu. Lolos ne’e mós iha parser tenki sita proponent sira ne’ebé submete ona proposta,” Adriano Nasimentu kestiona, iha plenaria extraordinariu, foin lalais ne’e.

Tuir Deputadu Bankada FRETILIN Aniceito Guterres hodi reforsa opinaun Adriano Nasimento dehan, tuir lolos ne’e parser hosi komisaun eventual tenki fó konsiderasaun ba opinaun públiku ne’ebé mak hakarak hasa’I tiha lei pensaun vitalisia.

Hanoin hanesan mai mós husi deputada Ilda Maria da Conceição katak, opinaun públiku ne’e inportante atu hetan konsiderasaun, basa durante ne’e públiku kestiona katak deputadu sira de’it mak benifisia ba iha lei pensaun vitalisia.

Nune’e deputadu Osorio Florindo reforsa hodi hatudu nia vontade atu produs hikas proposta foun ida hodi kobre opinaun públiku nian kona ba hanoin sira hakarak ilimina lei pensaun vitalisia I nia mós konkorda atu hasa’I tiha lei pensaun vitalisia.

Pareser komisaun eventual Parlamentu Nasionál nia rejultadu mak produs de’it proposta rua ne’ebé ida submete hosi Partidu Demokratiko kona ba redusaun no ida seluk mós husi Partidu FRETILIN ho subtansia hanesan.

“Ami halo diskusaun klean ba proposta rua ne’e ikus mai ami unifika testo rua ba ida de’it,” espelika relator parser nian, Deputadu Fernanda Lay iha plenaria.

Proposta final hosi komisaun eventual ne’e hakarak atu halo de’it mudansa ba lei pensaun vitalisia ho direitu regalias ho persentajem mais ou menus 60, maibé deskorda atu halakon tanba ka’er ba rajaun direitu arkiridu.

Ho nune’e deputadu PD Virgilho Hornai sujere atu Parlamentu Nasionál halo esplikasaun ne’ebé di’ak ba povu atu públiku la bele dezakredita fali Parlamentu.

Nia dehan pensaun vitalisia ne’e normalmente akontese mós iha nasaun seluk, maibé Timor-Leste presiza haree mós sirkunstansia sosiu-ekonomia sera que relevante atu aplika ka la’e?

“Parlamentu tenki ónestu esplika ba públiku, se la’e ema hanoin ita buka kondisaun atu proteje ita nia án,” Virgilho Hornai sujere. (te1)

 

Write a Facebook Comment

Hakerek ita nian komentariu husi account Facebook

View all comments

Write a comment

Online Support (Chat)

Asesu mos ami iha

Asesu mos ami iha facebook, twitter, Google+, Linkedin no hetan mos ami nian informasaun atual iha ne'eba.

Sondajen

Nudar sidadaun Timor-Leste, Oinsa ita boot nia hanoin konaba Lei Pensaun Vitalicia?
  Presiza Halakon
  Presiza iha Mundansa
  Mantein

Komentariu Ikus Liu

  • cream pemutih wajah yang aman

    bagaimana kemajuannya skrng ya? ...

    View Article
  • Cougar

    Good to become visiting your weblog again, it has been months for me. Nicely this ...

    View Article
  • Lemongrass Essential Oil

    I have to search sites with relevant information on given topic and provide them to ...

    View Article
  • Foods that causes Inflammation

    pleasant bLog! its fascinating. much obliged to you for sharing. ...

    View Article