Mudansa Dezemvolvimentu Dalan Laos Revolusaun

Filed under: HEADLINES,NASIONAL |
FOTO ESPESIAL

FOTO ESPESIAL

Timorexpose-Prezidente Parlamentu Nasionál, (PN) Vicente da Silva Guterres afirma, atu halo mudansa ba dezemvolvimentu iha Timor Leste, laos liu husi dalan revolusaun, tuir konseitu Mauk Moruk nian.

“Mauk Moruk tenke tuur hamutuk ho governu atual atu fó hanoin ba malu ba mudansa dezemvolvimentu, la’os liu husi dalan revolusaun, tanba revolusaun laiha fatin duni,” Prezidente Parlamentu Nasiónal, Vicente Guterres dehan jornalista sira, iha Hotel Timor, Segunda (02/12).

Vicente Guterres dehan divia Mauk Moruk tenke mai ho hanoin ne’ebé kritiku, inisiativa foun, iha aspektu dezemvolvimentu politiku, sosial kultura ho ekonomia atu partisipa iha prosesu dezemvolvimentu nasionál, laos halo revolusaun, basa revolusaun laos ona oportunu, maibé hetok halo tauk deit povu.

“Ha’u husu ba Mauk Moruk buat ne’ebé liu, liu ona. Mai ita tuur hamutuk hodi fó hanoin ba malu, atu nune’e bele iha hanoin di’ak ba modelu mudansa dezemvolvimentu,” Prezidente Parlamentu Vicente husu ba Mauk Moruk.

Estetmentu hirak ne’e hotu la iha influensia tanba dadaun ne’e Mauk Moruk rasik harí ona koselhu revolusaun, ne’ebé mak iha membru lubun ida konsentra iha distritu Baucau, sub-distritu Laga, area Tutugua.(beb)

 

Related Posts

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>